gila kyon ho mili hum ko wafa kam

gila kyoñ ho milī ham ko vafā kam

zamāne se hamīñ the āshnā kam

ḳhushāmad kam talab kam iltijā kam

virāsat meñ hameñ ye sab milā kam

bayāñ kartā phirūñ hāl-e-ġham-e-dil

merī aadat meñ ye shāmil rahā kam

butoñ vaale butoñ se Dar rahe haiñ

ḳhudā vāloñ ko hai ḳhauf-e-ḳhudā kam

mire dāman pe haiñ jin kī nigāheñ

vo shāyad dekhte haiñ aa.ina kam

kabhī maiñ paañv phailā kar na soyā

mire qad se rahī merī ridā kam

zabāñ par 'ehtishām' aaya to un kī

huā to kuchh diloñ meñ fāsla kam

gila kyon ho mili hum ko wafa kam

zamane se hamin the aashna kam

KHushamad kam talab kam iltija kam

wirasat mein hamein ye sab mila kam

bayan karta phirun haal-e-gham-e-dil

meri aadat mein ye shamil raha kam

buton wale buton se Dar rahe hain

KHuda walon ko hai KHauf-e-KHuda kam

mere daman pe hain jin ki nigahen

wo shayad dekhte hain aaina kam

kabhi main panw phaila kar na soya

mere qad se rahi meri rida kam

zaban par 'ehtisham' aaya to un ki

hua to kuchh dilon mein fasla kam