giran guzarne laga daur-e-intizar mujhe

Asad Bhopali

giran guzarne laga daur-e-intizar mujhe

Asad Bhopali

MORE BYAsad Bhopali

    girāñ guzarne lagā daur-e-intizār mujhe

    zarā thapak ke sulā de ḳhayāl-e-yār mujhe

    na aayā ġham bhī mohabbat meñ sāzgār mujhe

    vo ḳhud taḌap ga.e dekhā jo be-qarār mujhe

    nigāh-e-sharmagīñ chupke se le uḌī mujh ko

    pukārtā rahā koī baar baar mujhe

    nigāh-e-mast ye meyār-e-be-ḳhudī kyā hai

    zamāne vaale samajhte haiñ hoshiyār mujhe

    bajā hai tark-e-ta.alluq mashvara lekin

    na iḳhtiyār unheñ hai na iḳhtiyār mujhe

    bahār aur ba-qaid-e-ḳhizāñ hai nañg mujhe

    agar mile to mile mustaqil bahār mujhe

    giran guzarne laga daur-e-intizar mujhe

    zara thapak ke sula de KHayal-e-yar mujhe

    na aaya gham bhi mohabbat mein sazgar mujhe

    wo KHud taDap gae dekha jo be-qarar mujhe

    nigah-e-sharmagin chupke se le uDi mujh ko

    pukarta hi raha koi bar bar mujhe

    nigah-e-mast ye meyar-e-be-KHudi kya hai

    zamane wale samajhte hain hoshiyar mujhe

    baja hai tark-e-talluq ka mashwara lekin

    na iKHtiyar unhen hai na iKHtiyar mujhe

    bahaar aur ba-qaid-e-KHizan hai nang mujhe

    agar mile to mile mustaqil bahaar mujhe

    RECITATIONS

    Nomaan Shauque

    Nomaan Shauque

    Nomaan Shauque

    giran guzarne laga daur-e-intizar mujhe Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY