giran hai talKHi-e-lamhat pyare

girāñ hai talḳhī-e-lamhāt pyāre

sudhar jā.eñge sab hālāt pyāre

koī ilzām kyoñ mujh par lagegā

ġhalat kartā huuñ maiñ kab baat pyāre

maiñ dard-o-karb meñ Duubā huā huuñ

kaTegī kis tarah se raat pyāre

tire lutf-o-karam se jī rahā huuñ

nahīñ varna mirī auqāt pyāre

nahīñ mālūm is duniyā ne kyoñ kar

lagā rakhī hai mujh par ghaat pyāre

miTā.eñ ham ġhalat fahmī hai jo bhī

haiñ dil meñ kis liye ḳhadshāt pyāre

nahīñ koī mazā phir zindagī kā

hue majrūh jab jazbāt pyāre

kahāñ tak is tarah 'premī' jiyeñge

baḌe haiñ dil-shikan hālāt pyāre

giran hai talKHi-e-lamhat pyare

sudhar jaenge sab haalat pyare

koi ilzam kyon mujh par lagega

ghalat karta hun main kab baat pyare

main dard-o-karb mein Duba hua hun

kaTegi kis tarah se raat pyare

tere lutf-o-karam se ji raha hun

nahin warna meri auqat pyare

nahin malum is duniya ne kyon kar

laga rakhi hai mujh par ghat pyare

miTaen hum ghalat fahmi hai jo bhi

hain dil mein kis liye KHadshat pyare

nahin koi maza phir zindagi ka

hue majruh jab jazbaat pyare

kahan tak is tarah 'premi' jiyenge

baDe hain dil-shikan haalat pyare