giraft-e-karb se aazad ai dil ho hi jaunga

Nadeem Sirsivi

giraft-e-karb se aazad ai dil ho hi jaunga

Nadeem Sirsivi

MORE BYNadeem Sirsivi

    giraft-e-karb se āzād ai dil ho jā.ūñgā

    abhī rasta huuñ maiñ ik roz manzil ho jā.ūñgā

    utar jaane de vahshat mere sar se habs-e-ḳhalvat

    maiñ bit-tadrīj phir mānūs-e-mahfil ho jā.ūñgā

    gire gar mujh pe barq-e-iltifāt-e-chashm-e-tar har dam

    to maiñ bil-jabr terī samt maa.il ho jā.ūñgā

    ba-sad tarkīb rakkhe haiñ qadam tartīb se maiñ ne

    agar tartīb ye bigḌī maiñ zaa.il ho jā.ūñgā

    matā-e-jāñ to merī zaat hissa hai ik din maiñ

    mil jā.egā to insān-e-kāmil ho jā.ūñgā

    mirī mazlūmiyat raushnī har-sū bikharne de

    sar-e-maqtal maiñ pesh-e-teġh-e-qātil ho jā.ūñgā

    zarā Thahar jaa.eñ be-ḳhudī muztarib maujeñ

    ai dasht-e-ġham maiñ ik ḳhāmosh sāhil ho jā.ūñgā

    payambar dard ban ke gar duniyā meñ aa.egā

    sahīfa ban ke ashkoñ maiñ nāzil ho jā.ūñgā

    kahā us ne qarīb aa kar 'nadīm' ash.ār sūrat

    rag-e-afkār meñ terī maiñ shāmil ho jā.ūñgā

    giraft-e-karb se aazad ai dil ho hi jaunga

    abhi rasta hun main ek roz manzil ho hi jaunga

    utar jaane de wahshat mere sar se habs-e-KHalwat ki

    main bit-tadrij phir manus-e-mahfil ho hi jaunga

    gire gar mujh pe barq-e-iltifat-e-chashm-e-tar har dam

    to main bil-jabr teri samt mail ho hi jaunga

    ba-sad tarkib rakkhe hain qadam tartib se main ne

    agar tartib ye bigDi main zail ho hi jaunga

    mata-e-jaan to meri zat ka hissa hai ek din main

    tu mil jaega to insan-e-kaamil ho hi jaunga

    meri mazlumiyat ki raushni har-su bikharne de

    sar-e-maqtal main pesh-e-tegh-e-qatil ho hi jaunga

    zara sa Thahar jaen be-KHudi ki muztarib maujen

    ai dasht-e-gham main ek KHamosh sahil ho hi jaunga

    payambar dard ka ban ke tu gar duniya mein aaega

    sahifa ban ke ashkon ka main nazil ho hi jaunga

    kaha us ne qarib aa kar 'nadim' ashaar ki surat

    rag-e-afkar mein teri main shamil ho hi jaunga

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY