girdab-e-reg-e-jaan se mauj-e-sarab tak

girdāb-e-reg-e-jān se mauj-e-sarāb tak

zinda hai to lahū meñ bas ik iztirāb tak

ik maiñ ki ek ġham kā taqāzā na kar sakā

ik vo ki us ne maañg liye apne ḳhvāb tak

tū lafz lafz lazzat-e-hijrāñ meñ hai abhī

ham aa ga.e haiñ hijrat-e-ġham ke nisāb tak

jo zer-e-āb-e-mauj-e-ravāñ hai ḳhurūj-e-āb

aa jaa.e ek roz agar sat.h-e-āb tak

miltā kahīñ savād-e-varūd-o-shahūd meñ

hotā mirī hudūd kā koī hisāb tak

terā hī raqs silsila-e-aks-e-ḳhvāb hai

is ashk-e-nīm-shab se shab-e-māhtāb tak

āsār-e-ahd-e-ġham haiñ tah-e-reg-e-jāñ ki tū

pahuñchā nahīñ abhī dil-e-ḳhāna-ḳharāb tak

girdab-e-reg-e-jaan se mauj-e-sarab tak

zinda hai to lahu mein bas ek iztirab tak

ek main ki ek gham ka taqaza na kar saka

ek wo ki us ne mang liye apne KHwab tak

tu lafz lafz lazzat-e-hijran mein hai abhi

hum aa gae hain hijrat-e-gham ke nisab tak

jo zer-e-ab-e-mauj-e-rawan hai KHuruj-e-ab

aa jae ek roz agar sath-e-ab tak

milta kahin sawad-e-warud-o-shahud mein

hota meri hudud ka koi hisab tak

tera hi raqs silsila-e-aks-e-KHwab hai

is ashk-e-nim-shab se shab-e-mahtab tak

aasar-e-ahd-e-gham hain tah-e-reg-e-jaan ki tu

pahuncha nahin abhi dil-e-KHana-KHarab tak