girwida jis ke husn ka sara jahan hai

girvīda jis ke husn kā saarā jahān hai

karte haiñ jis se ishq vo urdu zabān hai

allāh re zabān kī kyā ān-bān hai

'iqbāl' kī hai ruuh to 'ġhālib' kī jaan hai

dillī kā marsiya ho yā dil meñ vufūr-e-ġham

dekheñ kalām-e-'mīr' ko kyā is kī shaan hai

'saudā' isī ḳhayāl meñ din-rāt mahv the

un kā ḳhayāl thā abhī urdu javān hai

vo lutf vo miThās kahāñ sab ko hai nasīb

nazm-o-nasr ko dekh lo shīrīñ bayān hai

ḳhushbū har ek phuul kī maujūd is meñ hai

har phuul rañgā-rang hai ik gulistān hai

tahzīb-e-mushtarak kī fazīlat liye hue

nāzāñ isī pe kishvar-e-hindostān hai

ummīd hai ki is ko milegā faroġh-e-ḳhās

sarkār is ke haal pe kuchh mehrbān hai

urdu paḌheñ paḌhā.eñ likheñ bolte raheñ

'ahqar' yahī to aap ke shāyān-e-shān hai

girwida jis ke husn ka sara jahan hai

karte hain jis se ishq wo urdu zaban hai

allah re zaban ki kya aan-ban hai

'iqbaal' ki hai ruh to 'ghaalib' ki jaan hai

dilli ka marsiya ho ya dil mein wufur-e-gham

dekhen kalam-e-'mir' ko kya is ki shan hai

'sauda' isi KHayal mein din-raat mahw the

un ka KHayal tha abhi urdu jawan hai

wo lutf wo miThas kahan sab ko hai nasib

nazm-o-nasr ko dekh lo shirin bayan hai

KHushbu har ek phul ki maujud is mein hai

har phul ranga-rang hai ek gulistan hai

tahzib-e-mushtarak ki fazilat liye hue

nazan isi pe kishwar-e-hindostan hai

ummid hai ki is ko milega farogh-e-KHas

sarkar is ke haal pe kuchh mehrban hai

urdu paDhen paDhaen likhen bolte rahen

'ahqar' yahi to aap ke shayan-e-shan hai