ghubar-e-ishq se hasti ko bharne wala hun main

ġhubār-e-ishq se hastī ko bharne vaalā huuñ maiñ

ye raushnī to sar-e-chāk dharne vaalā huuñ maiñ

ḳhamīr-e-zauq tujhe manziloñ pe lā.egā

vufūr-e-shauq meñ jaañ se guzarne vaalā huuñ maiñ

ḳharāb kartī rahīñ mujh ko sañgateñ hī tirī

har ik bigāḌ pe samjhā sañvarne vaalā huuñ maiñ

kisī kī raa.e pe kab kaan dharne vaalā huuñ maiñ

ye umr apnī hī dhan meñ basarne vaalā huuñ maiñ

ḳhud apnī zaat se bāhar ho munqasim tum to

ḳhud apnī zaat ke andar bikharne vaalā huuñ maiñ

kisī taraf se tarāzū zarūr jhuktā hai so

kisī mafād meñ nuqsān karne vaalā huuñ maiñ

maiñ apne aap ko samjhā to merā ḳhauf gayā

ki log to ye samajhte the Darne vaalā huuñ maiñ

na aa sakeñge tire ḳhāl-o-ḳhad sar-e-manzar

na canvas meñ koī rañg bharne vaalā huuñ maiñ

hameñ ye maut judā kar na pā.egī 'zīshān'

vo titliyoñ meñ guloñ meñ ubharne vaalā huuñ maiñ

ghubar-e-ishq se hasti ko bharne wala hun main

ye raushni to sar-e-chaak dharne wala hun main

KHamir-e-zauq tujhe manzilon pe laega

wufur-e-shauq mein jaan se guzarne wala hun main

KHarab karti rahin mujh ko sangaten hi teri

har ek bigaD pe samjha sanwarne wala hun main

kisi ki rae pe kab kan dharne wala hun main

ye umr apni hi dhan mein basarne wala hun main

KHud apni zat se bahar ho munqasim tum to

KHud apni zat ke andar bikharne wala hun main

kisi taraf se taraazu zarur jhukta hai so

kisi mafad mein nuqsan karne wala hun main

main apne aap ko samjha to mera KHauf gaya

ki log to ye samajhte the Darne wala hun main

na aa sakenge tere KHal-o-KHad sar-e-manzar

na canwas mein koi rang bharne wala hun main

hamein ye maut juda kar na paegi 'zishan'

wo titliyon mein gulon mein ubharne wala hun main