gul-ba-daman na koi shoala ba-jaan hai ab ke

Khurshid Ahmad Jami

gul-ba-daman na koi shoala ba-jaan hai ab ke

Khurshid Ahmad Jami

MORE BYKhurshid Ahmad Jami

    gul-ba-dāmāñ na koī sho.ala ba-jāñ hai ab ke

    chaar vaqt rāhoñ meñ dhuāñ hai ab ke

    shām-e-hijrāñ jise hāthoñ meñ liye phirtī hai

    kaun jaane ki vo tasvīr kahāñ hai ab ke

    zindagī raat ke phaile hue sannāTe meñ

    duur haTte hue qadmoñ nishāñ hai ab ke

    terī palkoñ pe koī ḳhvāb laraztā hogā

    mere gītoñ meñ koī dard javāñ hai ab ke

    ek ik saañs pe dhokā hai kisī aahaT

    ek ik ghaav ujāloñ zabāñ hai ab ke

    sahn-e-gulshan hai bahāroñ ke lahū se rañgīñ

    shāḳh-e-gul hai ki bas ik teġh-e-ravāñ hai ab ke

    jo kabhī husn ke hoñToñ pe na aayā 'jāmī'

    haa.e vo harf-e-tasallī bhī garāñ hai ab ke

    gul-ba-daman na koi shoala ba-jaan hai ab ke

    chaar su waqt ki rahon mein dhuan hai ab ke

    sham-e-hijran jise hathon mein liye phirti hai

    kaun jaane ki wo taswir kahan hai ab ke

    zindagi raat ke phaile hue sannaTe mein

    dur haTte hue qadmon ka nishan hai ab ke

    teri palkon pe koi KHwab larazta hoga

    mere giton mein koi dard jawan hai ab ke

    ek ek sans pe dhoka hai kisi aahaT ka

    ek ek ghaw ujalon ki zaban hai ab ke

    sahn-e-gulshan hai bahaaron ke lahu se rangin

    shaKH-e-gul hai ki bas ek tegh-e-rawan hai ab ke

    jo kabhi husn ke honTon pe na aaya 'jami'

    hae wo harf-e-tasalli bhi garan hai ab ke

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY