gul bhi KHush-talat hai par ai mah tu kuchh aur hai
gul bhi KHush-talat hai par ai mah tu kuchh aur hai
Miir Sher Ali Afsos
MORE BYMiir Sher Ali Afsos
gul bhī ḳhush-tal.at hai par ai maah tū kuchh aur hai
baas us meñ aur kuchh hai tujh meñ bū kuchh aur hai
kahne sunñe kā nahīñ ye vaqt jā vaa.iz kahīñ
ālam-e-mastī meñ apnī guftugū kuchh aur hai
hūr-o-ġhilmāñ kī havas kāfir ho jis ko Tuk bhī ho
āshiqoñ ke dil kī zāhid aarzū kuchh aur hai
Toktā to maiñ nahīñ par in dinoñ nām-e-ḳhudā
ḳhuub chamke ho tumhārā rañg-e-rū kuchh aur hai
tasht-o-ḳhanjar gardan-o-sar jam.a haiñ mat der kar
qasd gar dil meñ tire ai jañg-jū kuchh aur hai
gul bhi KHush-talat hai par ai mah tu kuchh aur hai
bas us mein aur kuchh hai tujh mein bu kuchh aur hai
kahne sunne ka nahin ye waqt ja waiz kahin
aalam-e-masti mein apni guftugu kuchh aur hai
hur-o-ghilman ki hawas kafir ho jis ko Tuk bhi ho
aashiqon ke dil ki zahid aarzu kuchh aur hai
Tokta to main nahin par in dinon nam-e-KHuda
KHub chamke ho tumhaara rang-e-ru kuchh aur hai
tasht-o-KHanjar gardan-o-sar jama hain mat der kar
qasd gar dil mein tere ai jang-ju kuchh aur hai
- Book : Ghazal Usne Chhedi(2) (Pg. 30)
- Author : Farhat Ehsas
- Publication : Rekhta Books (2017)
- Edition : 2017
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
