gul hai zaKHmi bahaar ke hathon
gul hai zaḳhmī bahār ke hāthoñ
dil hai sad-chāk yaar ke hāthoñ
dam-ba-dam qat.a hotī jaatī hai
umr lail-o-nahār ke hāthoñ
jāñ-ba-lab ho rahā huuñ misl-e-habāb
maiñ tire intizār ke hāthoñ
ek dam bhī milā na ham ko qarār
is dil-e-be-qarār ke hāthoñ
apnī sar-gashtagī kabhī na ga.ī
gardish-e-rozgār ke hāthoñ
ik shagūfa uThe hai roz nayā
is dil-e-dāġh-dār ke hāthoñ
dil pe kyā kyā hue haiñ naqsh-o-nigār
nāvak-e-dil-figār ke hāthoñ
ho rahā hai ḳharāb ḳhāna-e-dil
dīda-e-ashk-bār ke hāthoñ
gar kabhī lag gayā tirā dāman
merī musht-e-ġhubār ke hāthoñ
chhūTnā hai phir us kā amr-e-muhāl
is tire ḳhāksār ke hāthoñ
ik dil ḳhaar ḳhaar huuñ maiñ 'hasan'
apne us gul-ezār ke hāthoñ
gul hai zaKHmi bahaar ke hathon
dil hai sad-chaak yar ke hathon
dam-ba-dam qata hoti jati hai
umr lail-o-nahaar ke hathon
jaan-ba-lab ho raha hun misl-e-habab
main tere intizar ke hathon
ek dam bhi mila na hum ko qarar
is dil-e-be-qarar ke hathon
apni sar-gashtagi kabhi na gai
gardish-e-rozgar ke hathon
ek shagufa uThe hai roz naya
is dil-e-dagh-dar ke hathon
dil pe kya kya hue hain naqsh-o-nigar
nawak-e-dil-figar ke hathon
ho raha hai KHarab KHana-e-dil
dida-e-ashk-bar ke hathon
gar kabhi lag gaya tera daman
meri musht-e-ghubar ke hathon
chhuTna hai phir us ka amr-e-muhaal
is tere KHaksar ke hathon
ek dil KHar KHar hun main 'hasan'
apne us gul-ezar ke hathon
Source:
Deewan-e-Meer Hasan (Pg. 61)
- Author: Meer Hasan
-
- Edition: 1912
- Publisher: Munshi Nawal Kishor, Lucknow
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.