gul ho saba ho sham ho shola ho chandni ho tum

gul ho sabā ho sham' ho sho'la ho chāñdnī ho tum

jhalkī thī koh-e-tūr par bas vahī raushnī ho tum

tum se vujūd hai mirā harakat-e-qalb ho tumhī

quvvat-e-zehn-o-dil ho tum ruuh kī tāzgī ho tum

vābasta tum se jo bhī hoñ mujh ko vo ġham qubūl haiñ

baḳhshe sukūñ jo dā.imī bas ik vahī ḳhushī ho tum

mere taḳhayyulāt kī parvāz ho ga.ī buland

jab se nazar ke rāste zehn meñ aa ga.ī ho tum

tum se kahā bhī thā 'majīd' ifshā na karnā rāz-e-'ishq

rusvā hue galī galī ye kaise aadmī ho tum

gul ho saba ho sham' ho sho'la ho chandni ho tum

jhalki thi koh-e-tur par bas wahi raushni ho tum

tum se wujud hai mera harakat-e-qalb ho tumhi

quwwat-e-zehn-o-dil ho tum ruh ki tazgi ho tum

wabasta tum se jo bhi hon mujh ko wo gham qubul hain

baKHshe sukun jo daimi bas ek wahi KHushi ho tum

mere taKHayyulat ki parwaz ho gai buland

jab se nazar ke raste zehn mein aa gai ho tum

tum se kaha bhi tha 'majid' ifsha na karna raaz-e-'ishq

ruswa hue gali gali ye kaise aadmi ho tum