gul nahin hun mujhse kyunkar rang-o-bu le jaiye

gul nahīñ huuñ mujh se kyūñkar rang-o-bū le jā.iye

justujū-e-be-sabab huuñ kū-ba-kū le jā.iye

is se pahle dar-ba-dar phirne lage tā-gosh-o-lab

zehn-o-dil ke hāshiyoñ par guftugū le jā.iye

ab bhī mere zarf meñ thoḌī namī hai tah-nashīñ

talḳhī-e-ayyām ḳhūn-e-ārzū le jā.iye

soch ke dhāroñ meñ bah jaane se pahle aap bhī

zā.iqe ke vāste thoḌā lahū le jā.iye

yaad ke saa.e bhī dāḳhil un meñ ho paate nahīñ

ek sahrā-e-junūñ yā dasht-e-hū le jā.iye

bas yahī donoñ haiñ vāqif aap ke a.amāl se

e'tibār-e-dost yā chashm-e-adū le jā.iye

gul nahin hun mujh se kyunkar rang-o-bu le jaiye

justuju-e-be-sabab hun ku-ba-ku le jaiye

is se pahle dar-ba-dar phirne lage ta-gosh-o-lab

zehn-o-dil ke hashiyon par guftugu le jaiye

ab bhi mere zarf mein thoDi nami hai tah-nashin

talKHi-e-ayyam KHun-e-arzu le jaiye

soch ke dhaaron mein bah jaane se pahle aap bhi

zaiqe ke waste thoDa lahu le jaiye

yaad ke sae bhi daKHil un mein ho pate nahin

ek sahra-e-junun ya dasht-e-hu le jaiye

bas yahi donon hain waqif aap ke aamal se

e'tibar-e-dost ya chashm-e-adu le jaiye