gul wo khila raha hai mujhe ilm ho gaya
gul vo khilā rahā hai mujhe 'ilm ho gayā
vo duur jā rahā hai mujhe 'ilm ho gayā
apnā kiyā hī sāmne aatā hai ek din
vo kyoñ satā rahā hai mujhe 'ilm ho gayā
kar ke lahūluhān mire jism-o-jāñ ko vo
marham lagā rahā hai mujhe 'ilm ho gayā
maiñ sub.h-o-shām jis kī 'ibādat meñ mahv huuñ
mujh ko nachā rahā hai mujhe 'ilm ho gayā
sāñseñ to chal rahī haiñ magar is kī maut kā
farmān aa rahā hai mujhe 'ilm ho gayā
'pūnam' na khele khel koī aaj raat ko
vo ḳhauf khā rahā hai mujhe 'ilm ho gayā
gul wo khila raha hai mujhe 'ilm ho gaya
wo dur ja raha hai mujhe 'ilm ho gaya
apna kiya hi samne aata hai ek din
wo kyon sata raha hai mujhe 'ilm ho gaya
kar ke lahuluhan mere jism-o-jaan ko wo
marham laga raha hai mujhe 'ilm ho gaya
main subh-o-sham jis ki 'ibaadat mein mahw hun
mujh ko nacha raha hai mujhe 'ilm ho gaya
sansen to chal rahi hain magar is ki maut ka
farman aa raha hai mujhe 'ilm ho gaya
'punam' na khele khel koi aaj raat ko
wo KHauf kha raha hai mujhe 'ilm ho gaya
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
