gulistan chhoDte hain aur sahra chhoD dete hain

gulistāñ chhoḌte haiñ aur sahrā chhoḌ dete haiñ

tire ghar jo na jaa.e ham vo rasta chhoḌ dete haiñ

shikan-ālūda māthe ho ga.e be-bāk-goī par

chalo aisā hai to haq baat kahnā chhoḌ dete haiñ

mulāqāteñ musalsal hoñ magar khul kar na hoñ bāteñ

ham aisī kaifiyat meñ milnā-julnā chhoḌ dete haiñ

ḳhudā ke sāmne jab sar-ba-sajda hote haiñ ham log

zarā sī der ko ham saarī duniyā chhoḌ dete haiñ

hamārī tishnagī ko ab thakan mahsūs hotī hai

yahī sahrā-navardī hai to sahrā chhoḌ dete haiñ

'qalaq' paiham tanābeñ TūTtī jaatī haiñ rishtoñ kī

agarche mas.ala koī ulajhtā chhoḌ dete haiñ

gulistan chhoDte hain aur sahra chhoD dete hain

tere ghar jo na jae hum wo rasta chhoD dete hain

shikan-aluda mathe ho gae be-bak-goi par

chalo aisa hai to haq baat kahna chhoD dete hain

mulaqaten musalsal hon magar khul kar na hon baaten

hum aisi kaifiyat mein milna-julna chhoD dete hain

KHuda ke samne jab sar-ba-sajda hote hain hum log

zara si der ko hum sari duniya chhoD dete hain

hamari tishnagi ko ab thakan mahsus hoti hai

yahi sahra-nawardi hai to sahra chhoD dete hain

'qalaq' paiham tanaben TuTti jati hain rishton ki

agarche masala koi ulajhta chhoD dete hain