gulon ki palki mein hai bahaaron ki wo beTi hai

guloñ kī pālkī meñ hai bahāroñ kī vo beTī hai

chahetī chāñd kī raushan sitāroñ kī vo beTī hai

hamārī izzateñ sāñjhī haiñ bolī koī bhī boleñ

kisī bhī ek kī iffat so chāroñ kī vo beTī hai

vo chaltī hai to rāhoñ meñ surīle saaz bajte haiñ

kisī ujlī nadī ke shoḳhdhāroñ kī vo beTī hai

kiyā hai be-ridā jis ne mire dahqāñ kī beTī ko

vatan ke nām-levā ġhamgusāroñ kī vo beTī hai

baḌī muddat talak jis bahn ko ham ne adū samjhā

sitam sahtī rahī hai kohsāroñ kī vo beTī hai

surīlī bāñsurī kī taan us kī guftugū Thahrī

tarāshīda parī-ruḳh shāhkāroñ kī vo beTī hai

hamārī zindagī be-kaif guzrī hai 'rashīd-hasrat'

nahīñ jis meñ koī sukh regzāroñ kī vo beTī hai

gulon ki palki mein hai bahaaron ki wo beTi hai

chaheti chand ki raushan sitaron ki wo beTi hai

hamari izzaten sanjhi hain boli koi bhi bolen

kisi bhi ek ki iffat so chaaron ki wo beTi hai

wo chalti hai to rahon mein surile saz bajte hain

kisi ujli nadi ke shoKHdhaaron ki wo beTi hai

kiya hai be-rida jis ne mere dahqan ki beTi ko

watan ke nam-lewa ghamgusaron ki wo beTi hai

baDi muddat talak jis bahn ko hum ne adu samjha

sitam sahti rahi hai kohsaron ki wo beTi hai

surili bansuri ki tan us ki guftugu Thahri

tarashida pari-ruKH shahkaron ki wo beTi hai

hamari zindagi be-kaif guzri hai 'rashid-hasrat'

nahin jis mein koi sukh regzaron ki wo beTi hai