gulon ko rang sitaron ko raushni ke liye

guloñ ko rang sitāroñ ko raushnī ke liye

ḳhudā ne husn diyā tum ko dilbarī ke liye

tumhāre rū-e-munavvar kī zau meñ Duub gayā

falak pe chāñd jo niklā thā hamsarī ke liye

sanam hazāroñ na.e pattharoñ ke andar hī

taḌap rahe haiñ abhī fann-e-āzarī ke liye

are o barq-e-tapāñ phūñk de nasheman ko

taras rahā huuñ gulistāñ meñ raushnī ke liye

rah-e-vafā meñ mirā kaun hai jo har sū se

ġhubār-e-rāh uThī hai payambarī ke liye

nikal paḌā hai junūñ thaam kar ke dast-e-vafā

ik ajnabī kā sahārā hai ajnabī ke liye

jahāñ pe ishq ko saudā-e-ġharz ho ai 'vahīd'

vahī maqām hai ulfat meñ ḳhud-kushī ke liye

gulon ko rang sitaron ko raushni ke liye

KHuda ne husn diya tum ko dilbari ke liye

tumhaare ru-e-munawwar ki zau mein Dub gaya

falak pe chand jo nikla tha hamsari ke liye

sanam hazaron nae pattharon ke andar hi

taDap rahe hain abhi fann-e-azari ke liye

are o barq-e-tapan phunk de nasheman ko

taras raha hun gulistan mein raushni ke liye

rah-e-wafa mein mera kaun hai jo har su se

ghubar-e-rah uThi hai payambari ke liye

nikal paDa hai junun tham kar ke dast-e-wafa

ek ajnabi ka sahaara hai ajnabi ke liye

jahan pe ishq ko sauda-e-gharz ho ai 'wahid'

wahi maqam hai ulfat mein KHud-kushi ke liye