gulshan-gulshan zikr hai un ka

gulshan-gulshan zikr hai un kā

mahfil-mahfil charchā hai

jab se shahar meñ aa.e haiñ vo

hangāma sā barpā hai

āñkheñ jaise gul nargis ke

chaal ġhazāloñ jaisī hai

chehra dekh ke sochā sab ne

chāñd zamīñ par utrā hai

phīkī hai muskān kalī kī

un ke tabassum ke aage

komal komal se gāloñ kā

rang shafaq se gahrā hai

sab se sundar lagtī hai vo

jo nādīda sūrat hai

har ik aañkh Tikī hai us par

jis chehre par pardā hai

bholī-bhālī sab se nyārī

sūratiyā vo pyārī pyārī

āñkheñ tak-tak thak jaatī haiñ

lekin dil kab bhartā hai

us ne hī sab dard diye jo

Dhal-Dhal kar haiñ giit bane

ik-ik she'r 'sadā' hai us kā

ik-ik naġhma us kā hai

gulshan-gulshan zikr hai un ka

mahfil-mahfil charcha hai

jab se shahar mein aae hain wo

hangama sa barpa hai

aankhen jaise gul nargis ke

chaal ghazalon jaisi hai

chehra dekh ke socha sab ne

chand zamin par utra hai

phiki hai muskan kali ki

un ke tabassum ke aage

komal komal se galon ka

rang shafaq se gahra hai

sab se sundar lagti hai wo

jo nadida surat hai

har ek aankh Tiki hai us par

jis chehre par parda hai

bholi-bhaali sab se nyari

suratiya wo pyari pyari

aankhen tak-tak thak jati hain

lekin dil kab bharta hai

us ne hi sab dard diye jo

Dhal-Dhal kar hain git bane

ik-ik she'r 'sada' hai us ka

ik-ik naghma us ka hai