gulu-e-yazdan mein nok-e-sinan bhi TuTi hai
gulū-e-yazdāñ meñ nok-e-sināñ bhī TuuTī hai
kashākash-e-dil-e-paiġham-barāñ bhī TuuTī hai
sarāb hai ki haqīqat nazāra ki fareb
yaqīñ bhī TuuTā hai tarz-e-gumāñ bhī TuuTī hai
siyāsat-e-dil-ā.īna chuur chuur to thī
siyāsat-e-dil-e-āhan-garāñ bhī TuuTī hai
añdherī raat kā ye nīm-bāz sannāTā
guloñ kī saañs rag-e-gulsitāñ bhī TuuTī hai
tumhāre jism kā sūraj jahāñ jahāñ TuuTā
vahīñ vahīñ mirī zanjīr-e-jāñ bhī TuuTī hai
kahāñ haiñ ālam-e-imkāñ vajūd meñ aa.eñ
nazar nazar hī rahī hai jahāñ bhī TuuTī hai
shikast-o-reḳht zamāne kī ḳhuub hai 'maḳhdūm'
ḳhudī to TuuTī thī ḳhū-e-butāñ bhī TuuTī hai
gulu-e-yazdan mein nok-e-sinan bhi TuTi hai
kashakash-e-dil-e-paigham-baran bhi TuTi hai
sarab hai ki haqiqat nazara ki fareb
yaqin bhi TuTa hai tarz-e-guman bhi TuTi hai
siyasat-e-dil-aina chur chur to thi
siyasat-e-dil-e-ahan-garan bhi TuTi hai
andheri raat ka ye nim-baz sannaTa
gulon ki sans rag-e-gulsitan bhi TuTi hai
tumhaare jism ka suraj jahan jahan TuTa
wahin wahin meri zanjir-e-jaan bhi TuTi hai
kahan hain aalam-e-imkan wajud mein aaen
nazar nazar hi rahi hai jahan bhi TuTi hai
shikast-o-reKHt zamane ki KHub hai 'maKHdum'
KHudi to TuTi thi KHu-e-butan bhi TuTi hai
Source:
Bisat-e-Raqs (Pg. 201)
- Author: Makhdoom Mohiuddin
-
- Edition: 1986
- Publisher: Urdu Academy, Hyderabad
- Year of Publication: 1986
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
