gum is qadar hue aaina-e-jamal mein hum

gum is qadar hue ā.īna-e-jamāl meñ ham

usī ko DhūñDte haiñ us ke ḳhadd-o-ḳhāl meñ ham

javāz-e-sust-ḳhirāmī talāsh karte haiñ

kis ehtimām se raftār-e-māh-o-sāl meñ ham

zamāne ham tirī har kaj-ravī ko jānte haiñ

isī liye kabhī aa.e na terī chaal meñ ham

jahāñ pe tujh se bichhaḌnā bahut zarūrī thā

usī jagah pe khaḌe haiñ tire ḳhayāl meñ ham

ta.ayyun-e-safar-o-samt se haiñ begāna

chale junūb ko the aa ga.e shumāl meñ ham

shikasta aa.ina haiñ ham ko reza reza uThā

ki chuur chuur hue dil kī dekh-bhāl meñ ham

gum is qadar hue aaina-e-jamal mein hum

usi ko DhunDte hain us ke KHadd-o-KHal mein hum

jawaz-e-sust-KHirami talash karte hain

kis ehtimam se raftar-e-mah-o-sal mein hum

zamane hum teri har kaj-rawi ko jaante hain

isi liye kabhi aae na teri chaal mein hum

jahan pe tujh se bichhaDna bahut zaruri tha

usi jagah pe khaDe hain tere KHayal mein hum

tayyun-e-safar-o-samt se hain begana

chale junub ko the aa gae shumal mein hum

shikasta aaina hain hum ko reza reza uTha

ki chur chur hue dil ki dekh-bhaal mein hum