gum kar den ek zara tujhe KHwabon ke shahr mein
gum kar deñ ik zarā tujhe ḳhvāboñ ke shahr meñ
nukte kuchh aise DhūñD kitāboñ ke shahr meñ
dīvāngī kī aisī milegī kahāñ misāl
kāñTe ḳhārīdtā huuñ gulāboñ ke shahr meñ
ā.īne bolte haiñ to ye bhī batā.eñge
kyā be-hijāb huuñ maiñ hijāboñ ke shahr meñ
nākāmiyoñ kī aag meñ taptī haiñ ḳhvāhisheñ
jaltī hai merī ruuh azāboñ ke shahr meñ
is ahd-e-nā-shanās meñ iḳhlās kī talab
gauhar kī justujū hai habāboñ ke shahr meñ
har manzar-e-hasīñ pe hai ik chādar-e-ġhubār
kyā maiñ bhaTak rahā huuñ sarāboñ ke shahr meñ
'anvar' hameñ to aaj bhī fikr-o-nigāh ke
bosīda ghar mile haiñ nisāboñ ke shahr meñ
gum kar den ek zara tujhe KHwabon ke shahr mein
nukte kuchh aise DhunD kitabon ke shahr mein
diwangi ki aisi milegi kahan misal
kanTe KHaridta hun gulabon ke shahr mein
aaine bolte hain to ye bhi bataenge
kya be-hijab hun main hijabon ke shahr mein
nakaamiyon ki aag mein tapti hain KHwahishen
jalti hai meri ruh azabon ke shahr mein
is ahd-e-na-shanas mein iKHlas ki talab
gauhar ki justuju hai hababon ke shahr mein
har manzar-e-hasin pe hai ek chadar-e-ghubar
kya main bhaTak raha hun sarabon ke shahr mein
'anwar' hamein to aaj bhi fikr-o-nigah ke
bosida ghar mile hain nisabon ke shahr mein
Source:
Roshni Ke Phool (Pg. 29)
- Author: Anwar Minai
-
- Edition: 1986
- Publisher: Maktaba Jamia Ltd. Urdu Bazar Jamia Nagar, Delhi
- Year of Publication: 1986
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
