guman ke tan pe yaqin ka libas rahne do
gumāñ ke tan pe yaqīñ kā libās rahne do
ki mere haath meñ ḳhālī gilās rahne do
zamāna guzrā hai ḳhushiyoñ kā saath chhoḌe hue
mire mizāj ko ab ġham-shanās rahne do
amal kī rut meñ panaptī haiñ Tahniyāñ haq kī
milāo sach se nigāheñ qayās rahne do
vo ḳhvāb ko bhī haqīqat samajh ke jiite haiñ
isī meñ ḳhush haiñ to ye iltibās rahne do
milā ke haath shayātīñ se dekhte ho mujhe
anāniyat ko tum apne hī paas rahne do
mujhe na khīñcho ḳhushī ke hisār meñ ai 'atīb'
udaas rahnā hai mujh ko udaas rahne do
guman ke tan pe yaqin ka libas rahne do
ki mere hath mein KHali gilas rahne do
zamana guzra hai KHushiyon ka sath chhoDe hue
mere mizaj ko ab gham-shanas rahne do
amal ki rut mein panapti hain Tahniyan haq ki
milao sach se nigahen qayas rahne do
wo KHwab ko bhi haqiqat samajh ke jite hain
isi mein KHush hain to ye iltibas rahne do
mila ke hath shayatin se dekhte ho mujhe
ananiyat ko tum apne hi pas rahne do
mujhe na khincho KHushi ke hisar mein ai 'atib'
udas rahna hai mujh ko udas rahne do
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
