guman toD chuka main magar nahin koi hai

Abdurrahman Wasif

guman toD chuka main magar nahin koi hai

Abdurrahman Wasif

MORE BY Abdurrahman Wasif

    gumān toḌ chukā maiñ magar nahīñ koī hai

    sarā-e-fikr meñ baiThā huā kahīñ koī hai

    mire ḳhayāl ko detā hai nau-ba-nau chehre

    hai aas paas koī lams-e-marmarīñ koī hai

    mirā yaqīn ki duniyā meñ huuñ akelā maiñ

    sadā-e-dil mujhe kahtī hai ġham-nashīñ koī hai

    tirī tabāhī meñ shāmil nahīñ hai ġhair koī

    use talāsh to kar mār-e-āstīñ koī hai

    nigāh se nahīñ jaatā koī ḳhayāl-numā

    havās-o-hosh-o-ḳhirad ke bahut qarīñ koī hai

    mirā tumhārā ta.alluq bigaḌ ke ban gayā hai

    mire tumhāre ḳhayālāt amiiñ koī hai

    varā-e-zehn-o-zamāñ kis ne kā.enāt bunī

    kaise kahtā hai koī nahīñ nahīñ koī hai

    guman toD chuka main magar nahin koi hai

    sara-e-fikr mein baiTha hua kahin koi hai

    mere KHayal ko deta hai nau-ba-nau chehre

    hai aas pas koi lams-e-marmarin koi hai

    mera yaqin ki duniya mein hun akela main

    sada-e-dil mujhe kahti hai gham-nashin koi hai

    teri tabahi mein shamil nahin hai ghair koi

    use talash to kar mar-e-astin koi hai

    nigah se nahin jata koi KHayal-numa

    hawas-o-hosh-o-KHirad ke bahut qarin koi hai

    mera tumhaara talluq bigaD ke ban gaya hai

    mere tumhaare KHayalat ka amin koi hai

    wara-e-zehn-o-zaman kis ne kaenat buni

    tu kaise kahta hai koi nahin nahin koi hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites