guman yaqin bana lunga tujhko rote hue
guman yaqin bana lunga tujhko rote hue
Dheerendra Singh Faiyaz
MORE BYDheerendra Singh Faiyaz
gumāñ yaqīn banā lūñgā tujh ko rote hue
maiñ sochtā huuñ bulā lūñgā tujh ko rote hue
kamāl dekhnā aañsū nahīñ dikheñge magar
maiñ apnī aañkh bujhā lūñgā tujh ko rote hue
ḳhabar kisī ko na hogī is ehtiyāt ke saath
maiñ duniyā sar pe uThā lūñgā tujh ko rote hue
tū apnī saḳht-mizājī pe ḳhuub qaa.em rah
mirī bhī zid hai manā lūñgā tujh ko rote hue
tū apnā kaam chalā legī hañs ke 'umr tamām
maiñ apnā kaam chalā lūñgā tujh ko rote hue
guman yaqin bana lunga tujh ko rote hue
main sochta hun bula lunga tujh ko rote hue
kamal dekhna aansu nahin dikhenge magar
main apni aankh bujha lunga tujh ko rote hue
KHabar kisi ko na hogi is ehtiyat ke sath
main duniya sar pe uTha lunga tujh ko rote hue
tu apni saKHt-mizaji pe KHub qaem rah
meri bhi zid hai mana lunga tujh ko rote hue
tu apna kaam chala legi hans ke 'umr tamam
main apna kaam chala lunga tujh ko rote hue
- Book : Khaamushi Raasta Nikaalegi (Pg. 59)
- Author : Dheerendra Singh Faiyaz
- Publication : Rekhta Publications (2023)
- Edition : 3rd
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
