gunāhgār huuñ aisā rah-e-najāt meñ huuñ
maiñ ḳhud charāġh-ba-kaf har añdherī raat meñ huuñ
shu.ūr gum huā dīvāngī hai khoī huī
ḳhudā hī jaane maiñ kis manzil-e-hayāt meñ huuñ
tajallī-e-pas-e-parda zarā tavaqquf kar
abhī to garm-e-nazar bazm-e-mumkināt meñ huuñ
savāl ek nazar kā hai rad na kar ai dost
gadā-e-ḳhāk-basar rāh-e-iltifāt meñ huuñ
harīf-e-jalva bhī ik roz hūñgā sabr karo
abhī to apnī bahisht-e-tasavvurāt meñ huuñ
hai terī yaad kā aalam bhī kitnā dil-āvez
samajh rahā huuñ kisī aur kā.enāt meñ huuñ
kisī ke dil kā sukūñ huuñ kisī ke dil kī ḳhalish
zamīr-e-vaqt huuñ aur qalb-e-kā.enāt meñ huuñ
hai mere haath meñ bhī dil kā ik bujhā sā diyā
kuchh āñsuoñ kī sajā.ī huī barāt meñ huuñ
huuñ ḳhud hī ā.īna-e-hāl kyā batā.ūñ 'sirāj'
maiñ kis kā naqsh-e-qadam arsa-e-hayāt meñ huuñ
gunahgar hun aisa rah-e-najat mein hun
main KHud charagh-ba-kaf har andheri raat mein hun
shuur gum hua diwangi hai khoi hui
KHuda hi jaane main kis manzil-e-hayat mein hun
tajalli-e-pas-e-parda zara tawaqquf kar
abhi to garm-e-nazar bazm-e-mumkinat mein hun
sawal ek nazar ka hai rad na kar ai dost
gada-e-KHak-basar rah-e-iltifat mein hun
harif-e-jalwa bhi ek roz hunga sabr karo
abhi to apni bahisht-e-tasawwuraat mein hun
hai teri yaad ka aalam bhi kitna dil-awez
samajh raha hun kisi aur kaenat mein hun
kisi ke dil ka sukun hun kisi ke dil ki KHalish
zamir-e-waqt hun aur qalb-e-kaenat mein hun
hai mere hath mein bhi dil ka ek bujha sa diya
kuchh aansuon ki sajai hui baraat mein hun
hun KHud hi aaina-e-haal kya bataun 'siraj'
main kis ka naqsh-e-qadam arsa-e-hayat mein hun
Source:
Shola-e-Aawaz (Pg. e-184p-183)
-
Author:
Siraj Lakhnavi
-
- Edition: 1920
- Publisher: Nizami Press, Lucknow
- Year of Publication: 1920
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.