gunahon se nashw-o-numa pa gaya dil

Meeraji

gunahon se nashw-o-numa pa gaya dil

Meeraji

MORE BYMeeraji

    gunāhoñ se nashv-o-numā gayā dil

    dar-e-puḳhta-kārī pe pahuñchā gayā dil

    agar zindagī muḳhtasar thī to phir kyā

    isī meñ bahut aish kartā gayā dil

    ye nannhī vus.at ye nādān hastī

    na.e se nayā bhed kahtā gayā dil

    na thā koī ma.abūd par rafta rafta

    ḳhud apnā ma.abūd bantā gayā dil

    nahīñ girya o ḳhanda meñ farq koī

    jo rotā gayā dil to hañstā gayā dil

    bajā.e dil ik talḳh aañsū rahegā

    agar un mahfil meñ aayā gayā dil

    pareshāñ rahā aap to fikr kyā hai

    milā jis se bhī us ko bahlā gayā dil

    ka.ī raaz pinhāñ haiñ lekin khuleñge

    agar hashr ke roz pakḌā gayā dil

    bahut ham bhī chālāk bante the lekin

    hameñ bātoñ bātoñ meñ bahkā gayā dil

    kahī baat jab kaam 'mīrā-jī' ne

    vahīñ baat ko jhaT se palTā gayā dil

    gunahon se nashw-o-numa pa gaya dil

    dar-e-puKHta-kari pe pahuncha gaya dil

    agar zindagi muKHtasar thi to phir kya

    isi mein bahut aish karta gaya dil

    ye nannhi si wusat ye nadan hasti

    nae se naya bhed kahta gaya dil

    na tha koi mabud par rafta rafta

    KHud apna hi mabud banta gaya dil

    nahin girya o KHanda mein farq koi

    jo rota gaya dil to hansta gaya dil

    bajae dil ek talKH aansu rahega

    agar un ki mahfil mein aaya gaya dil

    pareshan raha aap to fikr kya hai

    mila jis se bhi us ko bahla gaya dil

    kai raaz pinhan hain lekin khulenge

    agar hashr ke roz pakDa gaya dil

    bahut hum bhi chaalak bante the lekin

    hamein baaton baaton mein bahka gaya dil

    kahi baat jab kaam ki 'mira-ji' ne

    wahin baat ko jhaT se palTa gaya dil

    Tagged Under

    Dil
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now