ghunche ghunche pe gulistan ke nikhaar aa jae

Naaz Muradabadi

ghunche ghunche pe gulistan ke nikhaar aa jae

Naaz Muradabadi

MORE BYNaaz Muradabadi

    ġhunche ġhunche pe gulistāñ ke nikhār aa jaa.e

    jis taraf se vo guzar jaa.eñ bahār aa jaa.e

    har nafas hashr-ba-dāmāñ hai junūn-e-ġham meñ

    kis tarah ahl-e-mohabbat ko qarār aa jaa.e

    vo koī jaam pilā deñ to na jaane kyā ho

    jin ke dekhe se āñkhoñ meñ ḳhumār aa jaa.e

    ġhair se sahī paiham ye kudūrat kyuuñ ho

    kahīñ ā.īna-e-dil par na ġhubār aa jaa.e

    kuchh is andāz se hai husn pashīmān-e-jafā

    koī māyūs-e-vafā dekhe to pyaar aa jaa.e

    'nāz' ghar se liye jaatā hai sū-e-dasht mujhe

    vo junūñ jis se bayābāñ ko bhī aar aa jaa.e

    ghunche ghunche pe gulistan ke nikhaar aa jae

    jis taraf se wo guzar jaen bahaar aa jae

    har nafas hashr-ba-daman hai junun-e-gham mein

    kis tarah ahl-e-mohabbat ko qarar aa jae

    wo koi jam pila den to na jaane kya ho

    jin ke dekhe hi se aankhon mein KHumar aa jae

    ghair hi se sahi paiham ye kudurat kyun ho

    kahin aaina-e-dil par na ghubar aa jae

    kuchh is andaz se hai husn pashiman-e-jafa

    koi mayus-e-wafa dekhe to pyar aa jae

    'naz' ghar se liye jata hai su-e-dasht mujhe

    wo junun jis se bayaban ko bhi aar aa jae

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY