ghurbat ke ranj faqa-kashi ke malal khinch

ġhurbat ke ranj fāqa-kashī ke malāl khīñch

ai 'dāġh' par zamāne se dast-e-savāl khīñch

nāzuk bahut hai rishta-e-ulfat na TuuT jaa.e

itnā na apne aap ko ai mah-jamāl khīñch

ho jaa.e tū na tā.ir-e-dil kī tarah asiir

sayyād apnī samt ko āhista jaal khīñch

khīñchī thī jab musavvir-e-qudrat ne dil kī shakl

kahtā ye kaun tū na ise be-ḳhayāl khīñch

vo ThanDe ThanDe chain se ghar ko chale ga.e

le aur āh-e-sard dil-e-pur-malāl khīñch

nāseh qimār-gāh-e-mohabbat meñ jī na haar

dil ko lagā ke naf.a uThā ḳhuub maal khīñch

ai 'dāġh' jazb-e-ishq kī dekheñge ab kashish

kī us kashīda-rū ne to ham se kamāl khīñch

ghurbat ke ranj faqa-kashi ke malal khinch

ai 'dagh' par zamane se dast-e-sawal khinch

nazuk bahut hai rishta-e-ulfat na TuT jae

itna na apne aap ko ai mah-jamal khinch

ho jae tu na tair-e-dil ki tarah asir

sayyaad apni samt ko aahista jal khinch

khinchi thi jab musawwir-e-qudrat ne dil ki shakl

kahta ye kaun tu na ise be-KHayal khinch

wo ThanDe ThanDe chain se ghar ko chale gae

le aur aah-e-sard dil-e-pur-malal khinch

naseh qimar-gah-e-mohabbat mein ji na haar

dil ko laga ke nafa uTha KHub mal khinch

ai 'dagh' jazb-e-ishq ki dekhenge ab kashish

ki us kashida-ru ne to hum se kamal khinch