ghurur-e-husn-o-jafa us ka sab shunida tha

ġhurūr-e-husn-o-jafā us kā sab shunīda thā

magar vo sāmne aayā to ābdīda thā

vo shab kī shab mire har pyaar kā javāb rahā

sahar huī to vahī shaḳhs kuchh kashīda thā

mujhe qubūl ki thā be-hisāb us kā karam

use bhī 'ilm ki dāman mirā darīda thā

libās tan pe thā ḳhūñ-gashta-e-anā dil thā

vo ab bhī zinda to thā haa.e sar-burīda thā

ġhamoñ ke saath mohabbat ke kitne pechāñ the

ġhamoñ kā saath magar dast-e-nā-rasīda thā

vo e.atibār-e-hunar saath kyoñ liye phirtā

ki us kī jholī meñ har lafz nā-chashīda thā

ghurur-e-husn-o-jafa us ka sab shunida tha

magar wo samne aaya to aabdida tha

wo shab ki shab mere har pyar ka jawab raha

sahar hui to wahi shaKHs kuchh kashida tha

mujhe qubul ki tha be-hisab us ka karam

use bhi 'ilm ki daman mera darida tha

libas tan pe tha KHun-gashta-e-ana dil tha

wo ab bhi zinda to tha hae sar-burida tha

ghamon ke sath mohabbat ke kitne pechan the

ghamon ka sath magar dast-e-na-rasida tha

wo eatibar-e-hunar sath kyon liye phirta

ki us ki jholi mein har lafz na-chashida tha