ghurur-e-zabt se aah-o-fughan tak baat aa pahunchi

ġhurūr-e-zabt se āh-o-fuġhāñ tak baat aa pahuñchī

havas ne kyā kiyā dil se zabāñ tak baat aa pahuñchī

sukūn-e-dil se nāqūs o azaañ tak baat aa pahuñchī

ḳhudā vāloñ kī himmat se kahāñ tak baat aa pahuñchī

ḳhilāfat se jabīn o āstāñ tak baat aa pahuñchī

ḳhudā aur ibn-e-ādam meñ yahāñ tak baat aa pahuñchī

milī thī aañkh aur āh-o-fuġhāñ tak baat aa pahuñchī

zarā sī baat thī lekin yahāñ tak baat aa pahuñchī

hamārī dāstāñ meñ zikr-e-qais-o-kohkan aayā

vahāñ se phir hamārī dāstāñ tak baat aa pahuñchī

ghurur-e-zabt se aah-o-fughan tak baat aa pahunchi

hawas ne kya kiya dil se zaban tak baat aa pahunchi

sukun-e-dil se naqus o azan tak baat aa pahunchi

KHuda walon ki himmat se kahan tak baat aa pahunchi

KHilafat se jabin o aastan tak baat aa pahunchi

KHuda aur ibn-e-adam mein yahan tak baat aa pahunchi

mili thi aankh aur aah-o-fughan tak baat aa pahunchi

zara si baat thi lekin yahan tak baat aa pahunchi

hamari dastan mein zikr-e-qais-o-kohkan aaya

wahan se phir hamari dastan tak baat aa pahunchi