gunge lafzon ka ye be-samt safar mera hai

gūñge lafzoñ kā ye be-samt safar merā hai

guftugū us kī hai lahje meñ asar merā hai

maiñ ne kho.e haiñ yahāñ apne sunahre shab o roz

dar-o-dīvār kisī ke hoñ ye ghar merā hai

merā aslāf se rishta to na toḌ ai duniyā

sab mahal tere haiñ lekin ye khañDar merā hai

aatī jaatī huī fasloñ kā muhāfiz huuñ maiñ

phal to sab us kī amānat haiñ shajar merā hai

mere āñgan ke muqaddar meñ añdherā hī sahī

ik charāġh ab bhī sar-e-rāhguzar merā hai

duur tak dār-o-rasan dār-o-rasan dār-o-rasan

aise hālāt meñ jiinā bhī hunar merā hai

jab bhī talvār uThātā huuñ ki chheḌūñ koī jang

aisā lagtā hai ki har shāne pe sar merā hai

gunge lafzon ka ye be-samt safar mera hai

guftugu us ki hai lahje mein asar mera hai

main ne khoe hain yahan apne sunahre shab o roz

dar-o-diwar kisi ke hon ye ghar mera hai

mera aslaf se rishta to na toD ai duniya

sab mahal tere hain lekin ye khanDar mera hai

aati jati hui faslon ka muhafiz hun main

phal to sab us ki amanat hain shajar mera hai

mere aangan ke muqaddar mein andhera hi sahi

ek charagh ab bhi sar-e-rahguzar mera hai

dur tak dar-o-rasan dar-o-rasan dar-o-rasan

aise haalat mein jina bhi hunar mera hai

jab bhi talwar uThata hun ki chheDun koi jang

aisa lagta hai ki har shane pe sar mera hai