guzar gai jo wo sarab si lagi

guzar ga.ī jo vo sarāb sī lagī

ye zindagī hameñ 'azāb sī lagī

sajā liyā hai chuum kar lo taaq par

kahānī 'ishq kī kitāb sī lagī

ye sochtī haiñ lahreñ chāñd leñgī chhū

ye baat qurbatoñ kī ḳhvāb sī lagī

nikaltā huuñ makāñ se sirf raat ko

haañ raushnī bhī ab hisāb sī lagī

bharosā kiije ham pe ek martaba

ye aarzū baḌī ḳharāb sī lagī

guzar gai jo wo sarab si lagi

ye zindagi hamein 'azab si lagi

saja liya hai chum kar lo taq par

kahani 'ishq ki kitab si lagi

ye sochti hain lahren chand lengi chhu

ye baat qurbaton ki KHwab si lagi

nikalta hun makan se sirf raat ko

han raushni bhi ab hisab si lagi

bharosa kije hum pe ek martaba

ye aarzu baDi KHarab si lagi