guzre talluqat ka ab wasta na de
guzre ta.alluqāt kā ab vāsta na de
gum ho chukī kitāb jo us kā pata na de
ab tazkire na chheḌ mire ahad-e-shauq ke
jo bujh ga.ī hai aag use phir havā na de
kuchh is qadar fareb sahāroñ se khaa.e haiñ
maiñ gir paḌūñgā ḳhauf se tū aasrā na de
jis kī jabīn-e-shauq pe likkhā thā merā naam
ab duur jā basā hai tū shāyad bhulā na de
sho.ala jo maujzan hai mohabbat kā dil meñ aaj
Dar hai ki sarsar-e-ġham-e-daurāñ bujhā na de
go chal paḌā huuñ dil se magar chāhtā huuñ ye
uTh kar mujhe vo rok le aur rāsta na de
ḳhālī na koī daulat-e-iḳhlās se rahe
'alvī' kisī ko bhuul ke ye bad-duā na de
guzre talluqat ka ab wasta na de
gum ho chuki kitab jo us ka pata na de
ab tazkire na chheD mere ahad-e-shauq ke
jo bujh gai hai aag use phir hawa na de
kuchh is qadar fareb sahaaron se khae hain
main gir paDunga KHauf se tu aasra na de
jis ki jabin-e-shauq pe likkha tha mera nam
ab dur ja basa hai tu shayad bhula na de
shoala jo maujzan hai mohabbat ka dil mein aaj
Dar hai ki sarsar-e-gham-e-dauran bujha na de
go chal paDa hun dil se magar chahta hun ye
uTh kar mujhe wo rok le aur rasta na de
KHali na koi daulat-e-iKHlas se rahe
'alwi' kisi ko bhul ke ye bad-dua na de
- Book : Muntakhab Gazle.n (Pg. 29)
- Author : Nasir Zaidi
- Publication : Zahid Malik (1983)
- Edition : 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
