guzri giran jo mujh pe koi raat hi to thi

guzrī girāñ jo mujh pe koī raat hī to thī

lagtī rahī jo dil ko tirī baat hī to thī

ḳhud kī talāsh hī meñ bhaTaktā phirā thā maiñ

dhoke meñ saarī umr mirī zaat hī to thī

jab kāmyābiyoñ ko ḳhirad se milī thī shah

har pal bisāt-e-dil pe mirī maat hī to thī

pī kar lahū ke ghūñT guzāre the roz-o-shab

aise meñ zindagī bhī karāmāt hī to thī

do pal kī sarḳhushī ke guzarne kā kaisā ġham

āḳhir vo apne jahl kī sauġhāt hī to thī

dastār ke baġhair bhī rahtā thā sar buland

vo mere yār-e-ġhār kī auqāt hī to thī

'bebāk' āñsūoñ se bharī vo shab-e-firāq

kaase meñ dil ke 'ishq kī ḳhairāt hī to thī

guzri giran jo mujh pe koi raat hi to thi

lagti rahi jo dil ko teri baat hi to thi

KHud ki talash hi mein bhaTakta phira tha main

dhoke mein sari umr meri zat hi to thi

jab kaamyabiyon ko KHirad se mili thi shah

har pal bisat-e-dil pe meri mat hi to thi

pi kar lahu ke ghunT guzare the roz-o-shab

aise mein zindagi bhi karamat hi to thi

do pal ki sarKHushi ke guzarne ka kaisa gham

aaKHir wo apne jahl ki saughat hi to thi

dastar ke baghair bhi rahta tha sar buland

wo mere yar-e-ghaar ki auqat hi to thi

'bebak' aansuon se bhari wo shab-e-firaq

kase mein dil ke 'ishq ki KHairaat hi to thi