guzro na is tarah ki tamasha nahin hun main

Obaidullah Aleem

guzro na is tarah ki tamasha nahin hun main

Obaidullah Aleem

MORE BYObaidullah Aleem

    guzro na is tarah ki tamāshā nahīñ huuñ maiñ

    samjho ki ab huuñ aur dobāra nahīñ huuñ maiñ

    ik tab.a rañg rañg thī so nazr-e-gul huī

    ab ye ki apne saath bhī rahtā nahīñ huuñ maiñ

    tum ne bhī mere saath uThā.e haiñ dukh bahut

    ḳhush huuñ ki rāh-e-shauq meñ tanhā nahīñ huuñ maiñ

    pīchhe na bhaag vaqt ai nā-shanās dhuup

    sāyoñ ke darmiyān huuñ saayā nahīñ huuñ maiñ

    jo kuchh bhī huuñ maiñ apnī sūrat meñ huuñ 'alīm'

    'ġhālib' nahīñ huuñ 'mīr'-o-'yagāna' nahīñ huuñ maiñ

    guzro na is tarah ki tamasha nahin hun main

    samjho ki ab hun aur dobara nahin hun main

    ek taba rang rang thi so nazr-e-gul hui

    ab ye ki apne sath bhi rahta nahin hun main

    tum ne bhi mere sath uThae hain dukh bahut

    KHush hun ki rah-e-shauq mein tanha nahin hun main

    pichhe na bhag waqt ki ai na-shanas dhup

    sayon ke darmiyan hun saya nahin hun main

    jo kuchh bhi hun main apni hi surat mein hun 'alim'

    'ghaalib' nahin hun 'mir'-o-'yagana' nahin hun main

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY