hadse zist ki tauqir baDha dete hain

Qabil Ajmeri

hadse zist ki tauqir baDha dete hain

Qabil Ajmeri

MORE BY Qabil Ajmeri

    hādse ziist tauqīr baḌhā dete haiñ

    ai ġham-e-yār tujhe ham to duā dete haiñ

    tere iḳhlās ke afsūñ tire va.adoñ ke tilism

    TuuT jaate haiñ to kuchh aur mazā dete haiñ

    kū-e-mahbūb se chup-chāp guzarne vaale

    arsa-e-zīst meñ ik hashr uThā dete haiñ

    haañ yahī ḳhāk-basar soḳhta-sāmāñ ai dost

    tere qadmoñ meñ sitāroñ ko jhukā dete haiñ

    sīnā-chākān-e-mohabbat ko ḳhabar hai ki nahīñ

    shahr-e-ḳhūbāñ ke dar-o-bām sadā dete haiñ

    ham ne us ke lab o ruḳhsār ko chhū kar dekhā

    hausle aag ko gulzār banā dete haiñ

    hadse zist ki tauqir baDha dete hain

    ai gham-e-yar tujhe hum to dua dete hain

    tere iKHlas ke afsun tere wadon ke tilism

    TuT jate hain to kuchh aur maza dete hain

    ku-e-mahbub se chup-chap guzarne wale

    arsa-e-zist mein ek hashr uTha dete hain

    han yahi KHak-basar soKHta-saman ai dost

    tere qadmon mein sitaron ko jhuka dete hain

    sina-chaakan-e-mohabbat ko KHabar hai ki nahin

    shahr-e-KHuban ke dar-o-baam sada dete hain

    hum ne us ke lab o ruKHsar ko chhu kar dekha

    hausle aag ko gulzar bana dete hain

    RECITATIONS

    Nomaan Shauque

    Nomaan Shauque

    Nomaan Shauque

    hadse zist ki tauqir baDha dete hain Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY