aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hae wo waqt-e-judai ke hamare aansu

Hakeem Nasir

hae wo waqt-e-judai ke hamare aansu

Hakeem Nasir

MORE BYHakeem Nasir

    haa.e vo vaqt-e-judā.ī ke hamāre aañsū

    gir ke dāman pe bane the jo sitāre aañsū

    laal o gauhar ke ḳhazāne haiñ ye saare aañsū

    koī āñkhoñ se churā le na tumhāre aañsū

    un āñkhoñ meñ jo aa.eñ to sitāre aañsū

    merī āñkhoñ meñ agar huuñ to bichāre aañsū

    dāman-e-sabr bhī hāthoñ se mire chhūT gayā

    ab to aa pahuñche haiñ palkoñ ke kināre aañsū

    aap lillāh mirī fikr na kiije hargiz

    aa ga.e haiñ yūñhī bas shauq ke maare aañsū

    do ghaḌī dard ne āñkhoñ meñ bhī rahne na diyā

    ham to samjhe the baneñge ye sahāre aañsū

    to kahtā thā na ro.eñge kabhī tere liye

    aaj kyuuñ aa ga.e palkoñ ke kināre aañsū

    aaj tak ham ko qalaq hai usī rusvā.ī

    bah ga.e the jo bichhaḌne pe hamāre aañsū

    mere Thahre hue ashkoñ haqīqat samjho

    kar rahe haiñ kisī tūfāñ ke ishāre aañsū

    aaj ashkoñ pe mire tum ko hañsī aatī hai

    tum to kahte the kabhī in ko sitāre aañsū

    is qadar ġham bhī na de kuchh na rahe paas mire

    aisā lagtā hai ki bah jā.eñge saare aañsū

    dil ke jalne agar ab bhī ye andāz rahā

    phir to ban jā.eñge ik din ye sharāre aañsū

    tum ko rimjhim nazāra jo lagā hai ab tak

    ham ne jalte hue āñkhoñ se guzāre aañsū

    mere hoñToñ ko to jumbish bhī na hogī lekin

    shiddat-e-ġham se jo ghabrā ke pukāre aañsū

    merī fariyād sunī hai na vo dil mom huā

    yūñhī bah bah ke mire aaj ye haare aañsū

    un ko 'nāsir' kabhī āñkhoñ se na girne denā

    merī āñkhoñ meñ inheñ lagte haiñ pyāre aañsū

    hae wo waqt-e-judai ke hamare aansu

    gir ke daman pe bane the jo sitare aansu

    lal o gauhar ke KHazane hain ye sare aansu

    koi aankhon se chura le na tumhaare aansu

    un ki aankhon mein jo aaen to sitare aansu

    meri aankhon mein agar hun to bichaare aansu

    daman-e-sabr bhi hathon se mere chhuT gaya

    ab to aa pahunche hain palkon ke kinare aansu

    aap lillah meri fikr na kije hargiz

    aa gae hain yunhi bas shauq ke mare aansu

    do ghaDi dard ne aankhon mein bhi rahne na diya

    hum to samjhe the banenge ye sahaare aansu

    tu to kahta tha na roenge kabhi tere liye

    aaj kyun aa gae palkon ke kinare aansu

    aaj tak hum ko qalaq hai usi ruswai ka

    bah gae the jo bichhaDne pe hamare aansu

    mere Thahre hue ashkon ki haqiqat samjho

    kar rahe hain kisi tufan ke ishaare aansu

    aaj ashkon pe mere tum ko hansi aati hai

    tum to kahte the kabhi in ko sitare aansu

    is qadar gham bhi na de kuchh na rahe pas mere

    aisa lagta hai ki bah jaenge sare aansu

    dil ke jalne ka agar ab bhi ye andaz raha

    phir to ban jaenge ek din ye sharare aansu

    tum ko rimjhim ka nazara jo laga hai ab tak

    hum ne jalte hue aankhon se guzare aansu

    mere honTon ko to jumbish bhi na hogi lekin

    shiddat-e-gham se jo ghabra ke pukare aansu

    meri fariyaad suni hai na wo dil mom hua

    yunhi bah bah ke mere aaj ye haare aansu

    un ko 'nasir' kabhi aankhon se na girne dena

    meri aankhon mein inhen lagte hain pyare aansu

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now