haal-e-dil ki kitab banta hai

hāl-e-dil kī kitāb bantā hai

jab koī ham-rikāb bantā hai

jis kī sīrat utartī hai dil meñ

phir vahī intiḳhāb bantā hai

vo shab-o-roz ḳhvāb meñ aa kar

merī ulfat kā baab bantā hai

us kī yādoñ meñ munhamik ho kar

dil ye ḳhāna-ḳharāb bantā hai

ḳhūb-sūrat hai vo bahut lekin

husn ik din turāb bantā hai

'ishq meñ hai milā vufūr-e-ġham

is se ab ijtināb bantā hai

ziist gar vasl se rahe mahrūm

to har ik pal 'azāb bantā hai

tū ne vā'de kiye haiñ ulfat ke

merā tujh se hisāb bantā hai

diid 'rahbar' kabhī jo ho jaa.e

ruḳh mirā māhtāb bantā hai

haal-e-dil ki kitab banta hai

jab koi ham-rikab banta hai

jis ki sirat utarti hai dil mein

phir wahi intiKHab banta hai

wo shab-o-roz KHwab mein aa kar

meri ulfat ka bab banta hai

us ki yaadon mein munhamik ho kar

dil ye KHana-KHarab banta hai

KHub-surat hai wo bahut lekin

husn ek din turab banta hai

'ishq mein hai mila wufur-e-gham

is se ab ijtinab banta hai

zist gar wasl se rahe mahrum

to har ek pal 'azab banta hai

tu ne wa'de kiye hain ulfat ke

mera tujh se hisab banta hai

did 'rahbar' kabhi jo ho jae

ruKH mera mahtab banta hai