haal-e-dil sun ke sunao to maza aa jae

hāl-e-dil sun ke sunāo to maza aa jaa.e

jashn ik raat manāo to maza aa jaa.e

tum jahāñ chāho vahāñ mujh ko biThāte ho magar

dil meñ āñkhoñ meñ biThāo to maza aa jaa.e

ho ke bebāk zamāne se bharī mahfil meñ

aañkh se aañkh milāo to maza aa jaa.e

yaad hī yaad meñ so jā.ūñ achānak maiñ to

tum agar aa ke jagāo to maza aa jaa.e

maiñ tumheñ dekh ke chakrā ke agar gir jā.ūñ

dast-e-nāzuk se uThāo to maza aa jaa.e

shauq se roz pilāte ho mujhe tum lekin

aaj ḳhud pī ke pilāo to maza aa jaa.e

tishnagī baḌhne lagī vaqfa-e-mai-noshī se

daur pe daur chalāo to maza aa jaao

apne altāf se 'ḳhākī' ko do-ālam meñ agar

qābil-e-qadr banāo to maza aa jaa.e

haal-e-dil sun ke sunao to maza aa jae

jashn ek raat manao to maza aa jae

tum jahan chaho wahan mujh ko biThate ho magar

dil mein aankhon mein biThao to maza aa jae

ho ke bebak zamane se bhari mahfil mein

aankh se aankh milao to maza aa jae

yaad hi yaad mein so jaun achanak main to

tum agar aa ke jagao to maza aa jae

main tumhein dekh ke chakra ke agar gir jaun

dast-e-nazuk se uThao to maza aa jae

shauq se roz pilate ho mujhe tum lekin

aaj KHud pi ke pilao to maza aa jae

tishnagi baDhne lagi waqfa-e-mai-noshi se

daur pe daur chalao to maza aa jao

apne altaf se 'KHaki' ko do-alam mein agar

qabil-e-qadr banao to maza aa jae