haal tere jigar-figaron ka

haal tere jigar-figāroñ kā

jaise naqsha miTī bahāroñ kā

ham ko to barq se umiid nahīñ

saath kuchh de jo be-qarāroñ kā

aap kyā be-naqāb aa.e haiñ

nuur kyoñ uḌ gayā sitāroñ kā

ham na kahte the aap ro.eñge

chhoḌiye zikr be-qarāroñ kā

mere chhāloñ kī kasmapursī par

dil bhar aaya ḳhud aaj ḳhāroñ kā

maiñ usī dar kā huuñ ġhulām 'shafī.a'

sar jahāñ ḳham hai tājdāroñ kā

haal tere jigar-figaron ka

jaise naqsha miTi bahaaron ka

hum ko to barq se umid nahin

sath kuchh de jo be-qararon ka

aap kya be-naqab aae hain

nur kyon uD gaya sitaron ka

hum na kahte the aap roenge

chhoDiye zikr be-qararon ka

mere chhaalon ki kasmapursi par

dil bhar aaya KHud aaj KHaron ka

main usi dar ka hun ghulam 'shafia'

sar jahan KHam hai tajdaron ka