haalat se farar ki kya justuju karen

Wamiq Jaunpuri

haalat se farar ki kya justuju karen

Wamiq Jaunpuri

MORE BYWamiq Jaunpuri

    hālāt se farār kyā justujū kareñ

    juz ye ki sheher-e-dār meñ jashn-e-subū kareñ

    aao ilāj-e-talḳhi-e-kām-o-gulū kareñ

    kuchh der shuġhl-e-jām rahe guftugū kareñ

    apne karam se kyā vo hameñ surḳh-rū kareñ

    ham aise bad-mizāj ki dil ko lahū kareñ

    pahchān bhī na pā.eñge aap apnī shakl ko

    TuuTā hai dil ā.īna kyā rū-ba-rū kareñ

    kuchh faisla na ho sakā ab bahār meñ

    dāman ko taar taar kareñ rafū kareñ

    dast-e-junūñ to ban chukā mashshātā-e-chaman

    pā-e-junūñ se dasht ko ab surḳh-rū kareñ

    dar mai-kade band haram charāġh gul

    ḳhūn-e-jigar piyeñ ki lahū se vazū kareñ

    kyā din the dil bātoñ se miltā thā jab sukūñ

    patthar se kis umiid pe ab guftugū kareñ

    vo motiyoñ se karte haiñ muñh shā.iroñ band

    aise meñ kyā ham apne ko be-ābrū kareñ

    kis ko dimāġh-e-fikr kise fursat-e-suḳhan

    phir kis liye zamāne ko apnā udū kareñ

    'vāmiq' se iltifāt matlab yahī to hai

    kuchh der sher-ver suneñ hā-o-hū kareñ

    haalat se farar ki kya justuju karen

    juz ye ki sheher-e-dar mein jashn-e-subu karen

    aao ilaj-e-talKHi-e-kaam-o-gulu karen

    kuchh der shughl-e-jam rahe guftugu karen

    apne karam se kya wo hamein surKH-ru karen

    hum aise bad-mizaj ki dil ko lahu karen

    pahchan bhi na paenge aap apni shakl ko

    TuTa hai dil ka aaina kya ru-ba-ru karen

    kuchh faisla na ho saka ab ki bahaar mein

    daman ko tar tar karen ya rafu karen

    dast-e-junun to ban chuka mashshata-e-chaman

    pa-e-junun se dasht ko ab surKH-ru karen

    dar mai-kade ka band haram ka charagh gul

    KHun-e-jigar piyen ki lahu se wazu karen

    kya din the dil ki baaton se milta tha jab sukun

    patthar se kis umid pe ab guftugu karen

    wo motiyon se karte hain munh shairon ka band

    aise mein kya hum apne ko be-abru karen

    kis ko dimagh-e-fikr kise fursat-e-suKHan

    phir kis liye zamane ko apna udu karen

    'wamiq' se iltifat ka matlab yahi to hai

    kuchh der sher-wer sunen ha-o-hu karen

    RECITATIONS

    Khalid Mubashshir

    Khalid Mubashshir

    Khalid Mubashshir

    haalat se farar ki kya justuju karen Khalid Mubashshir

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY