haalat-e-bimar-e-gham par jis ko hairani nahin

Zafar Ansari Zafar

haalat-e-bimar-e-gham par jis ko hairani nahin

Zafar Ansari Zafar

MORE BY Zafar Ansari Zafar

    hālat-e-bīmār-e-ġham par jis ko hairānī nahīñ

    asal meñ us aadmī meñ ḳhū-e-insānī nahīñ

    aisī bedardī se us ko mat bahāo ḳhaak par

    ḳhūn-e-insāñ ḳhūn-e-insāñ hai koī paanī nahīñ

    ruuh rishta kabhī kyā toḌ paa.ī hai qazā

    zindagī faanī hai lekin ruuh to faanī nahīñ

    jis ḳhushbū se mo.attar raat bhar rahtā thā maiñ

    mere ghar ke paas ab vo raat raanī nahīñ

    maiñ ta.ajjub meñ huuñ ye kaisā zamāna aa gayā

    chāñd meñ ThanDak nahīñ sūraj meñ tābānī nahīñ

    phir tire uupar na TuuTe kyuuñ azāboñ pahāḌ

    tere andar ik zarā bhī bū-e-īmānī nahīñ

    yuuñ na apne chāhne vaale ko rusvā kījiye

    ye to andāz-e-sulūk-e-dilbar-e-jānī nahīñ

    kyuuñ nahīñ tūfāñ manzar terī chashm-e-shauq meñ

    kyuuñ tire dariyā-e-dil meñ ab vo tuġhyānī nahīñ

    mutma.in hai ishq bhī shām-e-alam ke bāvajūd

    husn ke chehre pe bhī aks-e-pareshānī nahīñ

    ishq meñ bhī na pā.egā kahīñ merā javāb

    jān-e-man jo husn meñ koī tirā saanī nahīñ

    ai 'zafar' paale hue haiñ vo bhī duniyā havas

    ab faqīr-e-ishq meñ bhī bū-e-irfānī nahīñ

    haalat-e-bimar-e-gham par jis ko hairani nahin

    asal mein us aadmi mein KHu-e-insani nahin

    aisi bedardi se us ko mat bahao KHak par

    KHun-e-insan KHun-e-insan hai koi pani nahin

    ruh ka rishta kabhi kya toD pai hai qaza

    zindagi fani hai lekin ruh to fani nahin

    jis ki KHushbu se moattar raat bhar rahta tha main

    mere ghar ke pas ab wo raat ki rani nahin

    main tajjub mein hun ye kaisa zamana aa gaya

    chand mein ThanDak nahin suraj mein tabani nahin

    phir tere upar na TuTe kyun azabon ka pahaD

    tere andar ek zara bhi bu-e-imani nahin

    yun na apne chahne wale ko ruswa kijiye

    ye to andaz-e-suluk-e-dilbar-e-jaani nahin

    kyun nahin tufan ka manzar teri chashm-e-shauq mein

    kyun tere dariya-e-dil mein ab wo tughyani nahin

    mutmain hai ishq bhi sham-e-alam ke bawajud

    husn ke chehre pe bhi aks-e-pareshani nahin

    ishq mein bhi tu na paega kahin mera jawab

    jaan-e-man jo husn mein koi tera sani nahin

    ai 'zafar' pale hue hain wo bhi duniya ki hawas

    ab faqir-e-ishq mein bhi bu-e-irfani nahin

    Source:

    • Book : Sharar-e-sang (Pg. 75)
    • Author : Zafar Ansari Zafar
    • Publication : Educational Publishing House (2015)
    • Edition : 2015
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY