han ijazat hai agar koi kahani aur hai

Munawwar Rana

han ijazat hai agar koi kahani aur hai

Munawwar Rana

MORE BYMunawwar Rana

    haañ ijāzat hai agar koī kahānī aur hai

    in kaToroñ meñ abhī thoḌā paanī aur hai

    maz.habī mazdūr sab baiThe haiñ in ko kaam do

    ek imārat shahr meñ kaafī purānī aur hai

    ḳhāmushī kab chīḳh ban jaa.e kise mālūm hai

    zulm kar lo jab talak ye be-zabānī aur hai

    ḳhushk patte aañkh meñ chubhte haiñ kāñToñ tarah

    dasht meñ phirnā alag hai bāġhbānī aur hai

    phir vahī uktāhaTeñ hoñgī badan chaupāl meñ

    umr ke qisse meñ thoḌī javānī aur hai

    bas isī ehsās shiddat ne būḌhā kar diyā

    TūTe-phūTe ghar meñ ik laḌkī siyānī aur hai

    han ijazat hai agar koi kahani aur hai

    in kaToron mein abhi thoDa sa pani aur hai

    mazhabi mazdur sab baiThe hain in ko kaam do

    ek imarat shahr mein kafi purani aur hai

    KHamushi kab chiKH ban jae kise malum hai

    zulm kar lo jab talak ye be-zabani aur hai

    KHushk patte aankh mein chubhte hain kanTon ki tarah

    dasht mein phirna alag hai baghbani aur hai

    phir wahi uktahaTen hongi badan chaupal mein

    umr ke qisse mein thoDi si jawani aur hai

    bas isi ehsas ki shiddat ne buDha kar diya

    TuTe-phuTe ghar mein ek laDki siyani aur hai

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now