aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

han KHud-azar hain danista saza chahte hain

Rasheed Kausar Farooquee

han KHud-azar hain danista saza chahte hain

Rasheed Kausar Farooquee

MORE BYRasheed Kausar Farooquee

    haañ ḳhud-āzār haiñ dānista sazā chāhte haiñ

    aisī duniyā se to ham karb-o-balā chāhte haiñ

    ham pe khā khā ke taras pūchh rahā hai qātil

    taḳhta hai teġh hai farmā.iye kyā chāhte haiñ

    kyā koī biit chuke ġham ke badalte mausam

    sānehe jo na hue vo bhī huā chāhte haiñ

    nūr-e-mahtāb se ham muuñd ke āñkheñ apnī

    ātish-afshānī ḳhāvar ziyā chāhte haiñ

    vo ki Thukrāte haiñ ma.asūm farishtoñ libās

    apne shaitān se ik chust qabā chāhte haiñ

    kaun kahtā huā zindān-e-badan se niklā

    qaid meñ rakh ke bhī ham se ye vafā chāhte haiñ

    apnī rūdād raavī hai ye sotā huā ghar

    ik palak niiñd nahīñ chaar bajā chāhte haiñ

    mar miTā jin ke liye jam.a kiyā māl-o-manāl

    vahī jiinā na rahe ab virsā chāhte haiñ

    maut ḳhauf bhī hotā to mafar kab miltā

    phir ye ham kis liye darmān-o-davā chāhte haiñ

    band karne do hameñ band havā ke pañkhe

    is farā-ḳhez se jañgal havā chāhte haiñ

    zindagī tujh ko bahut kuchh to samajh ga.e ham

    kuchh hijābāt haiñ baaqī so uThā chāhte haiñ

    nau-bahārāñ nazāhat pe tarāvat pe na

    kuchh shagūfe haiñ na.e bhī jo khilā chāhte haiñ

    kaj-ravāñ naqsh-e-kaf-e-pā ko miTāne ke ba.ad

    kitne saada haiñ ki naqsh-e-kaf-e-pā chāhte haiñ

    ma.arka ho to yahāñ koī maraz lāhaq hai

    lashkarī bhī haiñ to kyā bāñg-e-darā chāhte haiñ

    chait jaao un ujāloñ ko pas-andāz karo

    kuchh diye haiñ jo koī dam meñ bujhā chāhte haiñ

    āsmāñ par vahī rah jaa.eñ na taare hoñ na chāñd

    aur to aur ye shams-ul-ulamā chāhte haiñ

    sab se mumtāz rahe kāḳh-e-muallā un

    chār-sū jhoñpaḌiyāñ bhī ra.ūsā chāhte haiñ

    ghar se nikle haiñ kafan-posh samajh-būjh ke ham

    ki vahī sab se baḌe haiñ jo bhalā chāhte haiñ

    ye zamīñ diije hameñ kachche falak-paimā.ī

    ham huā chāhte haiñ āb-e-ḳhalā chāhte haiñ

    ḳhush karūñ kitnoñ ko kis kis ko banā.ūñ dushman

    saare bhagvān mirī parārthnā chāhte haiñ

    dast-kash bhī rahe ḳhushūdī-e-duniyā se to kyā

    vahī kab ḳhush hai miyāñ jis razā chāhte haiñ

    ḳhud-farebī parastārī-e-gum-karda-rahāñ

    ki par-e-kāh haiñ aur kāh-rubā chāhte haiñ

    ham jahāñgīr haiñ ik nūr-e-jahāñ rakhte haiñ

    us chāleñ to nahīñ us adā chāhte haiñ

    ḳhidmat-e-sher-o-adab to hameñ da.avā hai

    koī kyā jaane ki taskīn-e-anā chāhte haiñ

    han KHud-azar hain danista saza chahte hain

    aisi duniya se to hum karb-o-bala chahte hain

    hum pe kha kha ke taras puchh raha hai qatil

    taKHta hai tegh hai farmaiye kya chahte hain

    kya koi bit chuke gham ke badalte mausam

    sanehe jo na hue wo bhi hua chahte hain

    nur-e-mahtab se hum mund ke aankhen apni

    aatish-afshani KHawar ki ziya chahte hain

    wo ki Thukraate hain masum farishton ka libas

    apne shaitan se ek chust qaba chahte hain

    kaun kahta hua zindan-e-badan se nikla

    qaid mein rakh ke bhi hum se ye wafa chahte hain

    apni rudad ka rawi hai ye sota hua ghar

    ek palak nind nahin chaar baja chahte hain

    mar miTa jin ke liye jama kiya mal-o-manal

    wahi jina na rahe ab wirsa chahte hain

    maut ka KHauf bhi hota to mafar kab milta

    phir ye hum kis liye darman-o-dawa chahte hain

    band karne do hamein band hawa ke pankhe

    is fara-KHez se jangal ki hawa chahte hain

    zindagi tujh ko bahut kuchh to samajh hi gae hum

    kuchh hijabaat hain baqi so uTha chahte hain

    nau-bahaaran ki nazahat pe tarawat pe na ja

    kuchh shagufe hain nae bhi jo khila chahte hain

    kaj-rawan naqsh-e-kaf-e-pa ko miTane ke baad

    kitne sada hain ki naqsh-e-kaf-e-pa chahte hain

    marka ho to yahan koi maraz lahaq hai

    lashkari bhi hain to kya bang-e-dara chahte hain

    chait jao un ujalon ko pas-andaz karo

    kuchh diye hain jo koi dam mein bujha chahte hain

    aasman par wahi rah jaen na tare hon na chand

    aur to aur ye shams-ul-ulama chahte hain

    sab se mumtaz rahe kaKH-e-mualla un ka

    chaar-su jhonpaDiyan bhi rausa chahte hain

    ghar se nikle hain kafan-posh samajh-bujh ke hum

    ki wahi sab se baDe hain jo bhala chahte hain

    ye zamin dije hamein kachche falak-paimai

    hum hua chahte hain aab-e-KHala chahte hain

    KHush karun kitnon ko kis kis ko banaun dushman

    sare bhagwan meri pararthna chahte hain

    dast-kash bhi rahe KHushudi-e-duniya se to kya

    wahi kab KHush hai miyan jis ki raza chahte hain

    KHud-farebi ki parastari-e-gum-karda-rahan

    ki par-e-kah hain aur kah-ruba chahte hain

    hum jahangir hain ek nur-e-jahan rakhte hain

    us ki chaalen to nahin us ki ada chahte hain

    KHidmat-e-sher-o-adab ka to hamein dawa hai

    koi kya jaane ki taskin-e-ana chahte hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now