han wo main hi hun ki jis ke hain yahan pursan bahut

haañ vo maiñ hī huuñ ki jis ke haiñ yahāñ pursāñ bahut

aa.ina hai dekh kar sūrat mirī hairāñ bahut

is nadī meñ paar utarne ke haiñ andeshe hazār

aur is meñ Duub jaane ke bhī haiñ imkāñ bahut

darmiyāñ rashk-o-hasad ke aaj bhī uljhe haiñ log

thā garāñ kal bhī ilāj-e-tishnagī-dāmāñ bahut

jis ghaḌī TuuTā thā donoñ ke ta.alluq kā tilism

āsmāñ hairāñ huā thā aur zamīñ giryāñ bahut

har muhājir ke ilāj-e-ġham kī tarjīhāt meñ

ham-zabāñ mil jaanā bhī hai dard kā darmāñ bahut

han wo main hi hun ki jis ke hain yahan pursan bahut

aaina hai dekh kar surat meri hairan bahut

is nadi mein par utarne ke hain andeshe hazar

aur is mein Dub jaane ke bhi hain imkan bahut

darmiyan rashk-o-hasad ke aaj bhi uljhe hain log

tha garan kal bhi ilaj-e-tishnagi-daman bahut

jis ghaDi TuTa tha donon ke talluq ka tilism

aasman hairan hua tha aur zamin giryan bahut

har muhajir ke ilaj-e-gham ki tarjihat mein

ham-zaban mil jaana bhi hai dard ka darman bahut