hasil-e-umr-e-rawan wo ek pal

hāsil-e-umr-e-ravāñ vo ek pal

jis meñ thā pahlī nazar kā ruup chhal

dīda-o-dil ke liye haiñ rahnumā

ye jhijak nīchī nazar abrū pe bal

pyaas lagtī hai to kyoñ bujhtī nahīñ

aap aa.e to huī uljhan ye hal

kyā burā thā band hī rahtī nazar

zindagī be-kaif sī hai āj-kal

nāma-e-a.amāl abhī be-rañg hai

chaar din kī chāñdnī jaa.e na Dhal

kaam terā hai ghanī chhāñv meñ kyā

tū musāfir hai tujhe chalnā hai chal

phir kahīñ se ik zarā āvāz de

sar pe aa.ī maut bhī jaatī hai Tal

hasil-e-umr-e-rawan wo ek pal

jis mein tha pahli nazar ka rup chhal

dida-o-dil ke liye hain rahnuma

ye jhijak nichi nazar abru pe bal

pyas lagti hai to kyon bujhti nahin

aap aae to hui uljhan ye hal

kya bura tha band hi rahti nazar

zindagi be-kaif si hai aaj-kal

nama-e-amal abhi be-rang hai

chaar din ki chandni jae na Dhal

kaam tera hai ghani chhanw mein kya

tu musafir hai tujhe chalna hai chal

phir kahin se ek zara aawaz de

sar pe aai maut bhi jati hai Tal