hath mere hain bandhe hath milaun kaise

haath mere haiñ bañdhe haath milā.ūñ kaise

paas ho kar bhī tere paas maiñ aa.uuñ kaise

mere andar bhī machaltā hai samundar lekin

tere hoñToñ kī abhī pyaas bujhā.ūñ kaise

vaqt ne Daal dī zanjīr mere pairoñ meñ

dauḌ kar tujh ko gale yaar lagā.ūñ kaise

zahr-ālūda mere haath hue haiñ hamdam

pyaar kā jaam bhalā tujh ko pilā.ūñ kaise

vaqt come aur mere sāmne ye lambā safar

terī zulfoñ meñ hasīñ shaam bitā.ūñ kaise

sāmne rahtī hai mahbūb kī sūrat mere

yā-ḳhudā sajde meñ sar apnā jhukā.ūñ kaise

bojh sar par hai farā.ez kā 'anīs' ab mere

phir batā sar pe tere naaz uThā.ūñ kaise

hath mere hain bandhe hath milaun kaise

pas ho kar bhi tere pas main aaun kaise

mere andar bhi machalta hai samundar lekin

tere honTon ki abhi pyas bujhaun kaise

waqt ne Dal di zanjir mere pairon mein

dauD kar tujh ko gale yar lagaun kaise

zahr-aluda mere hath hue hain hamdam

pyar ka jam bhala tujh ko pilaun kaise

waqt come aur mere samne ye lamba safar

teri zulfon mein hasin sham bitaun kaise

samne rahti hai mahbub ki surat mere

ya-KHuda sajde mein sar apna jhukaun kaise

bojh sar par hai faraez ka 'anis' ab mere

phir bata sar pe tere naz uThaun kaise