hath se aaKHir chhuT paDa patthar jo uThaya tha

haath se āḳhir chhūT paḌā patthar jo uThāyā thā

kyā kartā mujrim bhī to ḳhud apnā saayā thā

aisā hotā kaash kahīñ kuchh rañg bhī mil jaate

us ne mere ḳhvāboñ kā ḳhāka to banāyā thā

ab tū bhī bāhar aa jā yuuñ jism meñ chhupnā kyā

parda hī karnā thā to kyuuñ mujh ko bulāyā thā

aaj ke mausam se be-sudh kuchh log kafan chehra

ab tak sahme baiThe haiñ tūfān kal aayā thā

jī chāhe to aur bhī ruk le palkoñ kī chhāñv meñ

maiñ ne to tujh ko vaqt kā bas ehsās dilāyā thā

roz savere vīrāna bachtā hai 'farāz' āḳhir

ham ne raat bhī ḳhvāboñ meñ ik shahr sajāyā thā

hath se aaKHir chhuT paDa patthar jo uThaya tha

kya karta mujrim bhi to KHud apna saya tha

aisa hota kash kahin kuchh rang bhi mil jate

us ne mere KHwabon ka KHaka to banaya tha

ab tu bhi bahar aa ja yun jism mein chhupna kya

parda hi karna tha to kyun mujh ko bulaya tha

aaj ke mausam se be-sudh kuchh log kafan chehra

ab tak sahme baiThe hain tufan kal aaya tha

ji chahe to aur bhi ruk le palkon ki chhanw mein

main ne to tujh ko waqt ka bas ehsas dilaya tha

roz sawere virana bachta hai 'faraaz' aaKHir

hum ne raat bhi KHwabon mein ek shahr sajaya tha