hath se duniya nikalti jaegi

haath se duniyā nikaltī jā.egī

aur duniyā haath maltī jā.egī

husn kī rañgat badaltī jā.egī

ye shab-e-mahtāb Dhaltī jā.egī

munqalib hotī raheñgī fitrateñ

zindagī karvaT badaltī jā.egī

ḳhatm ho saktī nahīñ sair-e-hayāt

zindagī ruk ruk ke chaltī jā.egī

naujavānī ārzūeñ sab liye

girtī jā.egī sañbhaltī jā.egī

'ishq ġhāfil zaḳhm khātā jā.egā

husn kī talvār chaltī jā.egī

yūñhī ik armāñ nikaltā jā.egā

yūñhī ik hasrat machaltī jā.egī

yūñhī aatī jā.egī shām-e-visāl

yūñhī sham'-e-bazm jaltī jā.egī

yūñhī ruḳhsat hotī jā.egī ḳhushī

yūñhī sub.h-e-ġham nikaltī jā.egī

yūñhī gaa.e jā.eñge sher-e-'nushūr'

yūñhī tab-e-ġham bahaltī jā.egī

hath se duniya nikalti jaegi

aur duniya hath malti jaegi

husn ki rangat badalti jaegi

ye shab-e-mahtab Dhalti jaegi

munqalib hoti rahengi fitraten

zindagi karwaT badalti jaegi

KHatm ho sakti nahin sair-e-hayat

zindagi ruk ruk ke chalti jaegi

naujawani aarzuen sab liye

girti jaegi sanbhalti jaegi

'ishq ghafil zaKHm khata jaega

husn ki talwar chalti jaegi

yunhi ek arman nikalta jaega

yunhi ek hasrat machalti jaegi

yunhi aati jaegi sham-e-visal

yunhi sham'-e-bazm jalti jaegi

yunhi ruKHsat hoti jaegi KHushi

yunhi subh-e-gham nikalti jaegi

yunhi gae jaenge sher-e-'nushur'

yunhi tab-e-gham bahalti jaegi