hath uske hath se ab yun phisalta ja raha hai

haath us ke haath se ab yuuñ phisaltā jā rahā hai

jism se jaise hamārā dam nikaltā jā rahā hai

dil kisī kā toḌ kar us ne bikherī zindagī ab

joḌne kī zid meñ vo ḳhud hī bikhartā jā rahā hai

fāsloñ ko ab miTāne ke liye us kī hī jānib

maiñ khisaktā jā rahā huuñ vo simaTtā jā rahā hai

rāste par aag hai bārish bhī hai kāñTe bhī haiñ par

apnī dhun meñ vo musāfir ḳhuub chaltā jā rahā hai

vo sañvar kar jab nikaltī hai galī meñ tab koī gar

bol de us ko hamārā dil ujaḌtā jā rahā hai

tum koī shā.ir nahīñ 'fā.ez' magar ye baat bhī hai

gul koī tārīk rātoñ meñ mahaktā rahā hai

hath us ke hath se ab yun phisalta ja raha hai

jism se jaise hamara dam nikalta ja raha hai

dil kisi ka toD kar us ne bikheri zindagi ab

joDne ki zid mein wo KHud hi bikharta ja raha hai

faslon ko ab miTane ke liye us ki hi jaanib

main khisakta ja raha hun wo simaTta ja raha hai

raste par aag hai barish bhi hai kanTe bhi hain par

apni dhun mein wo musafir KHub chalta ja raha hai

wo sanwar kar jab nikalti hai gali mein tab koi gar

bol de us ko hamara dil ujaDta ja raha hai

tum koi shair nahin 'faez' magar ye baat bhi hai

gul koi tarik raaton mein mahakta raha hai