had-e-imkāñ se aage apnī hairānī nahīñ jaatī
nahīñ jaatī nazar kī pā-ba-jaulānī nahīñ jaatī
lab-e-ḳhāmosh sāhil se sukūñ kā dars miltā hai
magar amvāj-e-dariyā kī pareshānī nahīñ jaatī
jahāñ pahle kabhī sab gosh-bar-āvāz rahte the
vahāñ bhī ab mirī āvāz pahchānī nahīñ jaatī
haqīqat kuchh to apnī aabrū kā paas ho tujh ko
hazāroñ pairahan haiñ phir bhī uryānī nahīñ jaatī
nahīñ ta.azīm ke laa.eq nahīñ takrīm ke qābil
vo dar jis kī taraf ḳhud khiñch ke peshānī nahīñ jaatī
sukūñ hotā to hai phir bhī sukūñ hāsil nahīñ hotā
ki jaane kī tarah apnī pareshānī nahīñ jaatī
had-e-imkan se aage apni hairani nahin jati
nahin jati nazar ki pa-ba-jaulani nahin jati
lab-e-KHamosh sahil se sukun ka dars milta hai
magar amwaj-e-dariya ki pareshani nahin jati
jahan pahle kabhi sab gosh-bar-awaz rahte the
wahan bhi ab meri aawaz pahchani nahin jati
haqiqat kuchh to apni aabru ka pas ho tujh ko
hazaron pairahan hain phir bhi uryani nahin jati
nahin tazim ke laeq nahin takrim ke qabil
wo dar jis ki taraf KHud khinch ke peshani nahin jati
sukun hota to hai phir bhi sukun hasil nahin hota
ki jaane ki tarah apni pareshani nahin jati
Source:
Mujalla Dastavez (Pg. 137)
-
Author:
Aziz Nabeel
-
- Edition: 2013-14
- Publisher: Edarah Dastavez
- Year of Publication: 2013-14
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
